Nú er fokið í flest.......

Nú á að taka það bleika og bláa frá okkurCrying  eins og ég leit nú vel út á sjúkrahúsinu í Vestmannaeyjum á sínum tíma, klæddur í skínandi bláan samfesting með fallegt blátt armbandWink  Framtíðin er sú að allir nýburar skulu klæddir í hlutlausan lit, helst gráan eða í gamla sauðalitinn okkar Íslendinga þann brúna. Í staðinn fyrir bláu og bleiku armböndin kemur stimpill... þetta er stúlka með svörtu blekiWoundering  Kolbrún Halldórsdóttir vill burtu liti sem aðgreina kyn, öll börn skulu klædd í kynlausa liti og hana nú, bara einn eða tveir ríkislitirAngry  Hjúkket að ég á enn armbönd barna minna, ætla geyma þau vel.

Góð byrjun..

Jedúdda mín, það færðist yfir mann ylur og notalegheit þegar maður las mest lesnu frétt vísir.is í morgunsárið...Britney Spears í nærbuxum á leið til kærasta síns...tek hattinn ofan fyrir henni, hún er á réttri leið stelpan...alltaf gott að byrja helgina á svona jákvæðum fréttum

 


Forvarnadagurinn!!

Rak augun í grein í Morgunblaðinu í dag eftir Sigrúnu Björk Jakobsdóttur bæjarstjóra á Akureyri, þar sem hún fjallar um íþróttir og æskulýðsmál á Akureyri í tilefni af hinum árlega forvarnadegi. Í greininni fjallar hún um forvarnarstefnu Akureyrar og hið fjölskylduvæna samfélag sem hér ríkir. Sigrún segir ennfremur að forvarnir byrja heima sem ég tek undir heilshugar, en hún nefnir síðan annað höfuðatriði í forvörnum, en það er skipulagt íþróttarstarf. Þar finnst mér við Akureyringar sitja eftir, hér eru mörg stór íþróttarfélög sem hafa séð um þessa starfsemi, en án nógs stuðnings frá bæjarfélaginu. Hér hafa stóru íþróttarfélögin barist í bökkum frá því ég man eftir, kastað hefur verið í félögin smá aur til að forðast það að þau rúlli yfir. Ekki hafa stóru fyrirtækin hér í bæ séð sér fært að styrkja íþróttirnar nema að litlu leyti gegnum árin. Byggingar íþróttamannvirkja hér í bæ hefur verið ein sorgarsaga frá upphafi, þar hafa bæjaryfirvöld alltaf passað sig á því að leggja ekki of mikinn metnað í hlutina og alltaf kemur það í bakið á okkur síðar. Svo eru það raddirnar út í bæ '' af hverju að vera að láta einhvern pening í félögin, KA og Þór geta hvort sem er ekki neitt, það á bara að sameina þetta allt'', en málið er að mínu mati það að þetta snýst ekki um meistaraflokkanna hjá félögunum. Þetta snýst um krakkana, Sigrún montar sig að því að bæjarstjórnin greiði niður lítinn hluta tómstundargjalda fyrir foreldra, en það er bara ekki nóg. Tökum félögin á höfuðborgarsvæðinu til fyrirmyndar en þar hafa sveitarfélögin áttað sig á mikilvægi á starfsemi íþróttarfélaganna. T.d greiða yngstu iðkendurnir í mörgum félögum þar engin æfingargjöld, og ég tek hattinn ofan fyrir Grindarvíkurbæ, þar sem bæjarstjórnin gerði samning við Ungmennafélag Grindavíkur um að öll grunnskólabörn í bænum ættu rétt á því að stunda íþróttir endurgjaldslaust, frábært framtak. Það þýða engin vettlingatök í þessum efnum, íþróttir eru besta forvörnin, auk þess sem þau læra margt annað, s.s í sambandi við aga, heilsu og mannleg samskipti. Skora á Sigrúnu að beita sér fyrir því að fara að fordæmi Grindavíkur og sjá til þess að félögin hér á Akureyri geti starfað eðlilega, og séð börnunum hér fyrir bestu aðstæðum og að þau geti æft íþróttir án tillits til fjárhags heimilanna.

Teygjulök!!!

Þetta er alveg með ólíkindum, þetta með að brjóta saman teygjulak, er það hægt. Er búinn að vera að brasa í Þvottinum í morgun, margar tilraunir komnar en lakið endar alltaf í kuðli á borðinu....nákvæmlega eins og ég hefði bara tekið lakið og vöðlað því saman og hent uppá borð. Þið húsmæður í bloggheiminum eru einhver ráð, eða er þetta óvinnandi verk?

Viðbúið

Já þetta var viðbúið, Eyjólfur hefur ekki alveg náð því út úr liðinu sem hann og aðrir höfðu vonast til. Það gengur víst ekki að reka liðið, það er yfirleitt þjálfarinn sem víkur. Fróðlegt verður að sjá hver verður í brúnni í leiknum við dani, hallast á eins og segir í fréttinni og vona að það verði Willum sem fær það hlutverk að stjórna liðinu í þeim leik. Síðan vona ég að KSÍ taki sér góðan tíma í að velja næsta þjálfara og vandi til verka í þeirri ráðningu.
mbl.is Eyjólfur hættur sem þjálfari landsliðsins
Tilkynna um óviðeigandi tengingu við frétt

Sem Akureyringur....

Já, Akureyri í dag, svona eins og Ísland í dag! Það er alltaf jafn ömurlegt þegar maður heyrir svona fréttir, hvort sem þær koma frá Akureyri eða annarsstaðar á landinu. Þessi skipulögðu slagsmál á Akureyri og síðan þessi hnífaárás, pínlegt að vita til þess að þessi börn hafa ekkert betra að gera í lífinu. Sem betur fer er þetta fámennur hópur hér á Akureyri sem hafa verið að skipuleggja þessi aumingjaslagsmál hér, ég vorkenni frekar þessum mörgu krökkum sem létu sjá sig og mæta til að horfa á slagsmálin, heldur en þessum sem tóku þátt í þessu athæfi. Veit fyrir víst að þessir krakkar verði rassskelltir og missa laugardagsnammið í óákveðinn tíma eftir þessa helgi og er mjög ánægður með hve föstum tökum lögreglan tekur á þessum málum hér.
mbl.is Hnífaárás á Akureyri
Tilkynna um óviðeigandi tengingu við frétt

Trúa virkilega....

konur þessari útskýringu Kristínar á þessu verðlagi kremsins, skyldi það vera eiginkonur mannanna sem eiga gullsímana sem nota og kaupa þetta krem hmmm, kannski.
mbl.is Íslenskar konur nota 45 þúsund króna andlitskrem
Tilkynna um óviðeigandi tengingu við frétt

Landsliðsþjálfaramál?

Það er nokkuð ljóst að skipt verður um þjálfara íslenska karlalandsliðsins í knattspyrnu nú í haust eða vetur. Árangur Eyjólfs er ekki viðunnandi, flestir eru sammála um það en hver á að taka við? Nöfn Guðjóns Þórðarsonar og Ólafs Jóhannessonar hafa verið á flestra vörum, kannski ekki að ástæðulausu enda báðir að ná góðum árangri með sín félagslið. Mín skoðun er sú að við ættum að leita út fyrir landsteinana í þetta skiptið, Guðjón fékk sinn séns á sínum tíma með landsliðið og gerði fína hluti með liðið, en það endaði eins og það endaði. Skemmtilegast væri að sjá hann halda áfram með Skagaliðið, þeir komu mjög á óvart í sumar og greinilegt er að Guðjón er að setja mark sitt á hið unga lið Skagamanna, þar bíða hans spennandi tímar. Ólafur finnst mér ekki kostur með landsliðið, hann hefur gert góða hluti með FH liðið gegnum árin, en virkar saddur á mig, kannski eðlilegt. Það má samt ekki misskilja ummæli mín, ég ber mikla virðingu fyrir honum, gaman væri að sjá hann eftir nokkur ár koma ferskan inn aftur. Nú vill ég fá erlendan þjálfara, mann sem kemur með reynslu, metnað og nýtur virðingar. Mann sem kemur fyrri baráttuanda inn í liðið og fær menn til að berjast í öllum leikjum, ekki bara á móti stórþjóðunum.

Konur eru konum verstar

Hvernig í ósköpunum var hægt að ganga framhjá Margréti Láru Viðarsdóttur í kjöri knattspyrnukonu ársins tímabilið 2007, í hófi sem fram fór í gærkvöldi. Þetta er með ólíkindum og að stelpurnar í þessum liðum hafi verið að rotta sig saman og ákveða að kjósa hana ekki. Þetta minnir meira á leikskóla eða grunnskólamóral frekar en að hér fari þroskaðar knattspyrnukonur í úrvalsdeild á Íslandi. Þetta er kannski spurning hvort að aldur knattspyrnukvenna hér á Íslandi sé of lágur, mér finnst mörg lið í úrvalsdeildinni séu skipuð stelpum úr 3 og 2. flokk að meirihluta, það gæti skýrt þennan vanþroska að hluta. Ég er búinn að taka þátt í ófáum lokahófum í gegnum tíðina og gengið í gegnum þessar kosningar en aldrei og meina aldrei, hef ég orðið var við einhverja öfund eða plott karla megin. Mér finnst þetta heldur ekki alveg í takt við þann árangur sem kvennalandsliðið hefur sýnt á undanförnum árum, þær hafa tekið stórstígum framförum á fótboltavellinum og sýnt mikla samstöðu í þeim verkefnum sem þær hafa tekið þátt í. Óskandi væri að þessi samstaða ríkti utanvallar líka og þær myndu láta af þeim mikla ókosti sem öfund er. Margrét Lára hefur sýnt það í sumar að þarna er frábær knattspyrnukona á ferð, hún skoraði 38 mörk í 16 leikjum og auk þess spilaði hún frábærlega með íslenska landsliðinu. Ekki vil taka það af henni Hólmfríði að hún er einnig stórgóð knattspyrnukona og stóð sig mjög vel í sumar, en rétt skal vera rétt og í hugum flestra er Margrét í sérklassa í kvennaboltanum, svona eins og Eiður, kannski eru þau bara númeri of stór fyrir okkur Íslendinga.

Innskráning

Ath. Vinsamlegast kveikið á Javascript til að hefja innskráningu.

Hafðu samband